SAPERTI WUKUF DI ARAFAH ( KU : DR. KH ABUN BUNYAMIN, MA*)

SAPERTI WUKUF DI ARAFAH

KU : DR. KH ABUN BUNYAMIN, MA*)

الله اكبرلله اكبر الله اكبرلله اكبر الله اكبرلله اكبر الله اكبرالله اكبر الله اكبر

لاَاله الاالله والله اكبر الله اكبر ولله الحمد الله اكبر كبيرا والحمد لله كثيرا وسبحان الله بكرة واصيلا لاَاله الاالله وحده صدق وعده ونصر عبده واعز جنده وهزم الاحزاب وحده

الحمد لله الذي انعم علينا بيوم العيد وعلينا ان نكثر التكبير والتسبيح والتهليل والتحميد

أَشْهَدُ أَنْ لاَ إِلهَ إِلاَّ الله الْوَاحِدُ الْقَهًّارُ، وَأَشْهَدُ أَنَّ مُحَمَّدً عَبْدُهُ وَرَسُوْلُهُ النَّبِيُّ الْمُخْتَارُ، صَلىَّ اللهُ عَلَيْهِ وَعَلىَ آلهِ الْمُهَاجِرِيْنَ وَالْأَنْصَار.اللهم صل وسلم على سيدنا محمد رسولك ونور كونك الكريم وعلى اله وصحبه صلاة وسلاما دائمين متلازمين الى يوم معلوم اما بعد

يَا أَيُّهَا الَّذِيْنَ آمنُوْا، إِتَّقُوْا اللهَ حَقَّ تُقاَتِهِ وَلاَتَمُوْتُنَّ إِلاَّ وَأَنْتُمْ مُسْلِمُوْنَ

اعوذبالله من الشيطان الرجيم انااعطيناك الكوثر فصلّ لربك وانحر

Puji nu maranti urang sanggakeun ka dzat anu maha suci yakni Allah Robbul izzati, Puja nu jadi pangias rasa urang sanggakeun ka dzat anu maha kawasa yakni Allah Azza wajalla,di pirig ku galindeungna dua kalimah syahadat, hamo lunca linci luncat mulang udar tina tali gadang mugia urang sadayana tiasa tetep renggenek lan istiqomah dina enggoning Ta’at ka dzat anu nampi Tobat.

Shalawat miwah salam mangrupikeun hiji do’a nandakeun kadeudeuh tur kameuemeut ka jungjungan urang sadayana anu pang nyongclangna sa alam martapada, sok sanaos rebuan taun tos teu aya sengit ngadalinding keceluk ka awun awun katenar kajumantara

Hadirin sidang idul adha anu mulya

Khotib wasiat ka diri pribadi sareng ka sadayana kaum muslimin wal muslimat supados ningkatkeun kualitas ka imanan jeung kataqwaan ka Allah SWT, sabab ku dua jalan eta Insya Allah bakal menang kabagjaan di dunya jeung di akherat.

Allahu akbar 3x

Pidawuh Allah dina al-Qur’an 

واذن فى الناس بالحج ياتوك رجالا وعلي ضامر يأتبن من كل فج عمبق ( الحج 27(

hartosna“Jeung kudu ngagero andika he Ibarahim ka jalma-jalma pikeun ngalaksanaken ibadah haji, tinangtu maranehna bakal datang ka andika kalayan laleumpang jeung naek onta nu daratang ti sakuliah tempat anu jauh” (Q.S. Al-Hajj : 27)

Allahu akbar 3x

Ku ayana panggero Nabi Ibrahim AS,  dulur-dulur urang tiasa ngalaksanakeun ibadah haji, poe kamari parantos dugi kana puncakna nyaeta wukuf di arafah. Kangjeng Nabi Muhammad  Saw. parantos midawuh,

الحج عرفة

hartosna: “Haji teh  wukuf di arafah” saestuna inti tina amaliah ibadah haji nyaeta tumetep di arafah, nyaeta tempat anu dicalikan kamari ku jama'ah haji, arafah asalna tina kalimah “arafa” hartina nganyahokeun dina hate sacara pasti jeung mantep. Jalma anu wukuf kudu nganyahokeun sacara pasti jeung mantep, bari henteu galider,  luyu jeung harti kalimah wukuf nyaeta tumetep tur ajeg, kukituna kanu keur wukuf di ditu atawa anu “wukuf” di lemburna kudu ngayakinkeun yen :

1.      Anu nyiptakeun urang jeung alam samesta nyaeta Allah, Allah anu miara jeung anu ngatur,

2.      Kedah terang yen urang teh salaku mahluk anu lemah, bodo,  miskin teu ngagaduhan daya jeung upaya,

3.      Urang kedah terang yen Allah anu nyiptakeun manusa salaku mahluk anu paling mulya ku sabab ngagaduhan akal jeung agama,

4.      Urang kudu terang kana tugas urang di dunya ieu teh naon jeng nepika iraha,

5.      Sadaya jama’ah kalebet urang, kedah terang yen urang seueur dosa, boh ka Allah boh ka manusa utamana ka guru jeung ka ibu rama anu tos ngagedekeun urang, nyakitu deui ka caroge, istri, putra, sadudulur jeung sajabana.

Nalika wukuf urang kedah mintonkrun kalemahan jeung kahinaan sanes rasa aing jeng gumede, Allah mikaresep ka jalma nalika di Arafah dina kaayaan rambutna kusut, badanna pinuh ku lebu jeung bajuna teu rapih.

Allah manggil ka malaikat “he malaikat tingali jalma anu ziyarah ka Imah kaula, maranehna datang ti tempat anu jauh dina kaayaan pakeanna  saayana”. Nabi  negesken yen  “haji teh pakean saayana teu nganggo minyak, teu mandi jeung teu dicukur” Nabi midawuh deui yen “aranjeun kedah nganggo pakean sa ayana jeung kudu ngagunakeun pakean anu kasar” Ieu dilakukeun supaya ngarasa yen urang teh hina di payuneun Allah Swt.

Pikeun lalaki wajib ngabuka baju anu di jait, teu meunang make pakean iwal ti pakean ihrom. Lamun ngalanggar katantuan eta wajib mayar DAM. Nabi ngadawuh “urang kedah terang yen aya tina sabagian dosa nu bakal di hampura ngan waktu  wukuf arafah wungkul”,  Pidawuh Rasul  “Diantara dosa gede pikeun jalma anu wukuf di arafah nyaeta goreng sangka ka Allah yen dosana moal dihampura ku Allah”, ayena urang diparentahkeun supaya ngalobakeun tobat jeung maca istighfar ka Allah tina kasalahan jeung kaalfaan, Waktu ayena kasempatan pikeun ngado’a kusabab tempat eta tempat ijabah, waktuna oge waktu anu agung, mung sataun sakali Allah marentahkeun ziarah ka tempat eta nyaeta  dina puncakna ibadah haji.

Allahu akbar 3 X....

Sadayana anu hajian pasti ngarepkeun sangkan jadi  haji anu mabrur tur maqbul, kumargi kitu perlu aya upaya anu bener-bener supaya anu dipikaharep bisa ngawujud nyaeta kucara :

1.      Ngabersihkeun hate tina sagala kahayang dunya anu kaleuleuwihi

2.      Merangan hawa nafsu anu mawa kana kamaksiatan

3.      Ngabersihkeun diri tina sagala dosa jeung kasalahan ku cara tobat nasuha nyaeta tobat anu bener-bener tobat

4.      Janji ti ngawitan poe ayeuna ngomean diri jeung taqwa ka Allah ku cara ngalaksanakeun ajaran Islam, langkung utama masalah Iman, Islam jeung Ihsan dumasar kana al-Qur’an, as- Sunnah, Ijma jeung Qiyas

5.      Jadikeun anugrah ti Allah teh, rek harta, banda, kaluarga, pangkat jeung jabatan kanggo kapentingan agama jeung bangsa. Kalawan ku lima hal eta Insya Allah haji aranjeuna bakal mabrur, wasilah haji mabrur bakal ngawujudkeun pribadi anu kuat, iman jeung taqwa anu istiqomah, sarta nagara nu barokah.

Pidawuh Allah dina surat al-'araf 96.

ولو ان اهل القري امنوا واتقوا لفتحنا عليهم بركات من السماء والارض ولكن كذبوا فاخذنهم بما كانوا يكسبون

artina : “ Sakirana anu nyicingan nagri iman jeung taqwa, pasti bakal turun kaberkahan ti langit jeung bumi, tatapina seueur anu ngadustakeun, kumargi kitu kami nurunkeun siksaan sapagodos sareng pagaweanna”

Nagara urang alamna beunghar, taneuhna subur tapi kunaon teu acan sajahtera,  kumargi rahayatna utamina para pamingpinna teu acan iman jeung taqwa, buktina tiap poe seueur nu malak, marake narkoba, pelecehan seksual, korupsi jeng sajabana, samentara masjid karosong sumawonna madrasah jeung pasantren, sakola oge loba nu rubuh kwalitasna, PHK jeung pangangguran dimana-mana. Simkuring ngarepkeun para Hujaj tamu Allah anu mulya kin saatos uih ti Mekah jadi haji anu mabrur sarta mampu mere kontribusi nu sae kanggo ngawujudkeun nagara anubaldatun toyyibatun wa robbun ghofur sarta kenging panghampura Allah. Urang yakin nagara urang bakal subur tur ma’mur pami masyarakatna jeung para pamingpinna amanah, harepan kapayun para Hujaj sasarengan ngabangun cita-cita kamerdekaan Rebublik Indonesia anu di pikaridho ku Allah, wasilahna gawe rancage urang dina widangna sewang-sewangan di barung ku kaikhlasan. Sanajan urang henteu keur Haji, tapi hatena sing saperti keur Haji, sabari urang ngado'akeun aranjeuna, mugia urang oge kabagean barokahna tina do'na aranjeuna.

بارك الله لى ولكم بالايات والذكر الحكيم وتقبل منا ومنكم تلاوته انه هو السميع العليم وقل رب اغفر وارحم وانت خير الراحمين استغفر الله العظيم لى ولكم ولسائر المسلمين

Khutbah Ka 2

اَللهُ أَكْبَرُ ... X 7     اَللهُ أَكْبَرُ كَبِيْراً وَالْحَمْدُ لِلَّهِ كَثِيْراً وَسُبْحَانَ اللهِ بُكْرَةً وَأَصِيْلاً. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٌ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

أَمَّا بَعْدُ. فَيَا عِبَادَ اللهِ ... اِتَّقُوْا اللهَ فِيْمَا أَمَرَ. وَاعْلَمُوْا أَنَّ اللهَ تَعَالَى صَلَّى عَلَى نَبِيِّهِ قَدِيْمًا: إِنَّ اللهَ وَمَلآئِكَتَهُ يُصَلُّوْنَ عَلَى النَّبِيِّ، يَا أَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ آلِ سَيِّدِنَا مُحَمَّدٍ كَمَا صَلَّيْتَ عَلىَ سَيِّدِنَا إِبْرَاهِيْمَ وَعَلىَ آلِ سَيِّدِنَا إِبْرَاهِيْمَ. وَبَارِكْ عَلىَ سَيِّدِنَا مُحَمَّدٍ وَعَلىَ آلِ سَيِّدِنَا مُحَمَّدٍ كَمَا بَارَكْتَ عَلىَ سَيِّدِنَا إِبْرَاهِيْمَ وَعَلىَ آلِ سَيِّدِنَا إِبْرَاهِيْمَ فِيْ الْعَالَمِيْنَ إِنَّكَ حَمِيْدٌ مَجِيْدٌ.

اللّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلأَحْيَاءِ مِنْهُمْ وَاْلأَمْوَاتِ. اللَّهُمَّ أَصْلِحْ لَنا دِيْنَنَا الَّذِي هُوَ عِصْمَةُ أَمْرِنا وَأَصْلِحْ لنا دُنْيَانا الَّتِي فِيهَا مَعَاشُنَا وَأَصْلِحْ لنا آخِرَتَنَا الَّتِي فِيهَا مَعَادُنا وَاجْعَلِ الْحَيَاةَ زِيَادَةً لنا فِي كُلِّ خَيْرٍ وَاجْعَلِ الْمَوْتَ رَاحَةً لنا مِنْ كُلِّ شَرٍّ. اللّهمَّ أَعِزَّ الإسْلاَمَ وَالمسلمين وَأَذِلَّ الشِّرْكَ والمشركين وَدَمِّرْ أعْدَاءَ الدِّينِ وَاجْعَلْ دَائِرَةَ السَّوْءِ عَلَيْهِمْ يا ربَّ العالمين. اللهمَّ ارْزُقْنَا الصَّبْرَ عَلى الحَقِّ وَالثَّبَاتَ، يَا أَرْحَمَ الرَّاحِمِيْنَ.

Ya Allah mugi aranjeuna nu arangkat  haji sing dijadikeun hajina anu mabrur, amal ibadahna ditarima, dosana dihampura, hatena sing ikhlas, pikirannana sing cerdas, awakna sing sehat.

Ya Allah jadikeun oge abdi sadayana rumah tangga anu sakinah mawaddah warohmah, katurunan anu shalih jeung shalihah, tur elmuna cukup, pangabisana loba, rizkina gampil, usahana barokah.

Ya Allah mugi maparin ka abdi sadayana boh anu nuju Haji atawa anu di lembur sing aya dina hidayah anu leres numutkeun ajaran gusti luyu sareng ahli sunnah wal-jama'ah, anu istiqamah dina ibadah, ikhlas dina mayunan sagala tugasna. Sabar dina mayunan musibah, bersyukur mun kenging nikmat.

Ya allah jadikeun nagara ieu nagara Indonesia sing barokah, tur rakyatna sejahtra, pamingpinna adil tur amanah.

Ya Allah jadikeun abdi sadayana supados panjang yuswa anu manfaat tur tiasa ibadah anu sampurna, mun maot sing husnul khotimah, nyandak kalimah laailaaha illallah, sarta digampilkeun dina mayunan hisabna sarta lebet ka sawarga jeng para ambiya, para sidiqiin, syuhada jeung shalihiin.

Ya Allah mugi gusti ulah nyiksa ka abdi sadayana upami abdi lepat atanapi hilap,

Ya Allah mugi ulah  maparin beban sapertos beban anu tos dipaparinkeun ka umat sateu acan abdi sadaya.

Ya allah mugi ulah maparin kaabot anu abdi sadaya henteu tiasa mayunana

Ya allah hapunteun  abdi sadayana tina sagala dosa anu karaos atanapi anu henteu karaos, ageung atanapi alit, terutama dosa ibu rama abdi jeng guru-guru abdi.

Ya Allah  mugi  gusti maparin rahmat ka abdi sadayana, da gusti mah maha welas tur asih.

Ya Allah paparin panyalindungan abdi sadaya dina tempat panyalindungan anu langsung ti gusti, panyalindungan anu teu aya deui iwal ti panyalindungan gusti, saestuna gusti mah maha sampurna  panyalindungannana,

Ya Allah bantosan abdi anu lemah ieu sangkan kiat dina mayunan sagala tugas jeung kawajiban abdi sebagai hamba gusti.

 رَبَّنَا آتِنَا فِيْ الدُّنْيَا حَسَنَةً وَفِيْ الآخِرَةِ حَسَنَةً وَقِنَا عَذَابَ النَّارِ. وصَلِّ اللهمَّ عَلَى عَبْدِكَ وَرَسُوْلِكَ سَيِّدِنَا مُحَمّدٍ وَعَلىَ آلِهِ وصَحْبِهِ وَسَلِّمْ وَالْحَمْدُ للهِ رَبِّ الْعَالَمِيْنَ.

إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ

*)   Pimpinan Pondok Pesantren Al-Muhajirin, Ketua MUI Purwakarta,

      Rois Syuriah PCNU Kab. Purwakart